Научниците од САД предупредуваат на можноста за мегацунами кој би можел да избрише цели заедници долж западната обала на САД. Според новото истражување објавено во научниот часопис PNAS, земјотрес и подигање на нивото на морето може да создадат огромни бранови кои ќе предизвикаат катастрофа за луѓето и инфраструктурата.
Најголемиот ризик за мегацунами се наоѓа во: Северна Калифорнија, Северен Орегон иЈужен Вашингтон
Овие области се во близина на субдукциската зона Каскадија, која се протега од Канадскиот остров Ванкувер до северниот дел на Калифорнија. Оваа зона е една од најсериозните сеизмички области, со голем потенцијал за земјотрес од 8 или повеќе на Рихтеровата скала, што може да се случи со 15% шансa во следните 50 години.
Како ќе изгледаат последиците?
Ако дојде до ваков земјотрес, тлото може да потоне за повеќе од 2 метра, а сеформирањето на мегацунамија може да ги поплави и уништи заедниците во регионот. Ова ќе има тешки и долготрајни последици, а обновата на овие области ќе биде многу бавна и сложена.
Хаваи и Аљаска: Додатни ризици
Аљаска продолжува да биде изложена на честите клизишта и земјотреси поради своите нестабилни терени. Климатските промени, кои предизвикуваат топење на ледниците, го влошуваат овој ризик, создавајќи нестабилност и големи одрони.
Во Хаваите, вулканските острови се со историска позадина на мегацунамија, предизвикани од урнување на вулкани. Најголемото настанало пред 105.000 години кога бран висок 300 метри ја погоди Ланаи. Со активноста на вулканите Маун Лоа и Килауеи, ризикот и понатаму е реален.
Последниот голем земјотрес во субдукциската зона Каскадија се случил на 26 јануари 1700 година. Оттогаш, во оваа зона не се случил земјотрес со слична моќ, но научниците предупредуваат дека иако не се случува често, ефектите од вакви земјотреси можат да бидат катастрофални.
Мегацунамијата претставуваат голем ризик за западниот брег на САД, Хаваите и Аљаска. Научниците ја истакнуваат потребата од подготовка и континуирани истражувања за намалување на последиците и обезбедување на безбедноста на луѓето во овие региони.
