Познатиот музичар Стинг одложи два свои концерти и го откажа претстојното појавување на доделувањето на наградите на списанието Bass поради нарушено здравје, пишува Daily Mail.
73-годишниот пејач требаше да добие награда за животно дело, но нема да може да присуствува на церемонијата поради здравствени проблеми.
Поранешниот фронтмен на Police, исто така, ги одложи своите настапи во САД во Феникс и Калифорнија до крајот на месецот, додека закрепнува.
Не беше наведено за каков здравствен проблем се работи.
Портпаролот на Стинг во објава на социјалните мрежи потврди дека фановите можат да ги зачуваат своите билети, кои ќе важат за новите датуми на концертот.
„По совет на неговиот лекар, поради болест и со искрено жалење, Стинг мора да го откаже своето појавување на наградите на магазинот Bass и да ги одложи концертите на STING 3.0. Фановите кои имаат стари билети ќе бидат валидни за новите датуми. Стинг искрено се извинува за непријатностите и изразува благодарност за разбирањето“, изјави портпаролот на пејачот.
