Акцијата се реализира во рамки на проектот „Поддршка на ЕУ за владеење на правото“, во партнерство со Комисијата за спречување и заштита од дискриминација, Народниот правобранител и со поддршка од Бирото за развој на образованието.
Кампањата, спроведена со дозвола од Советот на Европа, има за цел да ја подигне јавната свест, да ги охрабри децата да проговорат и да им даде на возрасните знаења и алатки за препознавање, превенција и заштита од сексуално насилство.
На настанот ќе бидат презентирани едукативни видеа, печатени материјали и постери адаптирани на локалниот контекст, наменети за деца, родители, старатели, наставници и професионалци што работат со деца. Материјалите ќе се дистрибуираат во училиштата, градинките и јавните институции низ целата држава, а ќе бидат достапни и во дигитална форма.
Своја порака ќе упатат: Марција Палота од Делегацијата на Европската унија во Северна Македонија, Илбер Руфати – заменик-народен правобранител, Душан Томшиќ – претседател на Комисијата за спречување и заштита од дискриминација, и Барбара Лигл – раководителка на компонентата за фундаментални и човекови права во рамки на проектот „Поддршка на ЕУ за владеење на правото“.
Извор: Независен
