Американската компанија Старбакс (Starbucks) со седиште во Сиетл објави дека ќе ја продаде контролата над дел од своите бизнис-операции во Кина на инвестиционата фирма Boyu Capital, во зделка вредна 4 милијарди долари, јавува Ројтерс.
Ова претставува една од најголемите трансакции на кинеска подружница на меѓународна потрошувачка корпорација во последните неколку години.
Зделка што го менува пазарот на кафе во Кина
Од Старбакс објаснија дека средствата од продажбата ќе бидат искористени за забрзување на растот и проширување на присуството на кинескиот пазар, кој е втор по големина за компанијата, веднаш по американскиот.
Кина во последните години станува клучно стратешко подрачје за компаниите од секторот за храна и пијалаци, и покрај економската неизвесност и зголемената локална конкуренција.
