Научниците развија нова боја која отфрла топлина и штеди енергија, доаѓа во која било нијанса и треба да има неколку вековен рок на траење. Тоа е и најлесната боја некогаш создадена. Имено, таа не е направен од пигмент, туку се создава структурно преку распоредот на наночестичките.
Експертите ја нарекоа оваа креација „плазмонска боја“. Според нивните пресметки, потребни се само 1,4 килограми за да се обои Боинг 747. Во спротивно, за истата површина би биле потребни најмалку 454 килограми комерцијална боја. Сепак, треба да се напомене дека за сега „плазмонската боја“ е создадена само во лабораторија и дека ќе биде потребно извесно време за да дојде до масовно производство.
Ефикасно заштедува енергија
Оваа неверојатна маса го рефлектира целиот инфрацрвен спектар, така што се апсорбира помалку топлина. Научниците наведуваат дека површините под „плазмонската боја“ остануваат за 13 до 16 степени Целзиусови поладни отколку што би биле кога би биле покриени со обична боја, пишува Science Alert.
„Над 10 отсто од целата електрична енергија во САД се користи за климатизација, така што употребата на оваа боја ќе доведе до значителни заштеди на енергија. Со помала потрошувачка на електрична енергија за ладење, емисиите на јаглерод диоксид исто така ќе се намалат, што ќе го ублажи глобалното затоплување“, рече Експертот за нано технологија Дебашис Чанда од Универзитетот во Централна Флорида.
Недостатокот на пигмент
Боите на база на бараат специфични молекули за создавање на нијанси, а обично во комерцијалните бои овие пигменти се вештачки синтетизирани. Својствата на таквите молекули контролираат колку светлина се апсорбира и, според тоа, каква боја се произведува. Тоа значи дека за секоја нова боја се користат различни пигменти.
Спротивно на тоа, „плазмонската боја“ користи наночестички од два безбојни материјали – алуминиум и алуминиум оксид. Со нивно распоредување на алуминиумско огледало обложено со оксид, може да се контролира како се светлината се рефлектира или апсорбира. На сличен начин се создаваат и боите на крилјата на пеперутката.
„Нормалната“ боја избледува, бидејќи пигментот ја губи својата способност да апсорбира фотони
Ова е причината зошто оваа „плазмонска боја“ е толку лесна. Таа ја достигнува својата целосна нијанса со дебелина од само 150 нанометри. Во исто време, има долг век на траење, бидејќи научниците ги комбинирале структурните молекули со комерцијално врзивно средство. Според нивните проценки, таа боја би можела да трае стотици години.
„Нормалната т.е комерцијалната боја избледува, бидејќи пигментот ја губи способноста да апсорбира фотони, а овде не сме ограничени од тој процес. Штом ќе обоиме нешто со „плазмонска боја“, тоа би требало да трае со векови“, вели Чанда.
Истражувањето наречено Ултралесна плазмонска структурна боја беше објавено во списанието Science Advances.
