Дали некогаш сте се запрашале што може да ве научи астрологијата за вашата идеална сродна душа?
Со анализа на вашиот хороскопски знак, можете да добиете многу подобра идеја за тоа каков би бил вашиот идеален партнер.
Овен
Сродна душа: Забавна, самоуверена личност која може да биде во чекор со Овенот.
Овенот е агресивно-забавна личност по природа и сака да живее брзо. Нема време за депресија и има потреба од партнер кој може да го придружува. Неговата идеална сродна душа е некој кој има висока самодоверба и кој не се плаши да ризикува.
Потенцијални сродни души: Овен, Лав, Стрелец, Близнаци и Водолија.
Бик
Сродна душа: Лојална и романтична личност која се фокусира само на него.
Бикот ќе остане верен на вистинската личност до самиот крај. Но, тој има потреба од некој кој ќе може на еднаков начин да му ги возврати чувствата. Неговата идеална сродна душа е некој кој е сигурен, некој што не игра игри. Бикот нема време за тоа. Сака и романтични луѓе кои можат да направат да се чувствува како да е единствената личност на светот!
Потенцијални сродни души: Рак, Јарец, Девица и Риби.
Близнаци
Сродна душа: Интелигентна личност, со смисла за хумор и доволно различна за да ја разбие секојдневната монотонија.
Близнаците знаат да бидат многу пребирливи кога е партнерот во прашање, па затоа треба да се чувствувате посебно доколку ве изберат. Нивната идеална сродна душа е некој што е смешен, паметен и интересен.
Потенцијални сродни души: Лав, Вага, Овен и Водолија.
Рак
Сродна душа: Интелигентна, нежна и сензуална душа, полна со емпатија.
Ракот има огромно срце и многу љубов за другите, но ако навистина сакате да го освоите, ќе треба да можете да возвратите. Нему му треба некој кој е доволно интелигентен за да му го долови умот, но и доволно нежен за да се чувствува посебно и сакано. Тој нема многу време за себичност, па затоа и неговиот идеален партнер мора да биде нежен и сочувствителен.
Потенцијални сродни души: Скорпија, Бик, Риби и Девица.
Лав
Сродна душа: Самоуверена и мистериозна личност, способна да го задржи неговото внимание.
Лавот го привлекуваат мистериозни луѓе кои пукаат од самодоверба. Тој сака некој кој е подготвен за авантура и кој не се плаши од ризици. Но, тој исто така сака некој со таинствен карактер кој ќе го привлече неговото внимание.
Потенцијални сродни души: Близнаци, Вага, Стрелец и Овен.
Девица
Сродна душа: Сложена, амбициозна и целосно посветена личност.
Сродната душа на Девицата е личност која не само што ќе биде уникатна и единствена туку во исто време амбициозна и дружељубива. Со други зборови, на Девицата ѝ треба некој кој ќе биде исто толку посветен во врската како и таа!
Потенцијални сродни души: Скорпија, Јарец, Рак и Бик.
Вага
Сродна душа: Личност која изгледа добро, паметна и полна со самодоверба.
Вагите имаат високи стандарди кога станува збор за љубовта и нема да се задоволат со ништо. Нивната сродна душа најверојатно е онаа која не само што е физички убава туку и паметна. Ја сакаат физичката убавина, пак, затоа што имаат око за естетика.
Потенцијални сродни души: Близнаци, Водолија, Стрелец и Лав.
Скорпија
Сродна душа: Личност што може да ја предизвика и да ја исполни нејзината потреба за страст.
Љубовта на Скорпијата е длабока, интензивна и целосно безусловна. Но, ѝ треба некој кој ќе ја предизвикува. Нејзината идеална сродна душа е личност со богата имагинација која длабоко размислува и чувствува, но не ги открива сите свои карти одеднаш. Тие сакаат малку мистерија и интриги, а исто така ги привлекува и интелигенцијата!
Потенцијални сродни души: Риби, Девица, Јарец и Рак.
Стрелец
Сродна душа: Слободоумна личност која не се обидува да го промени.
Стрелците ја ценат својата слобода и независност и не им треба некој кој ќе се однесува премногу посесивно кон нив. Нивната идеална сродна душа е некој кој сака забава и на животот му пристапува со отворен ум. Не сакаат правила и рутина, ниту пак им треба некој кој ќе се обиде да ги промени. Нивната сродна душа е некој што ќе им помогне да го откријат светот, а не некој што сака да им ги скрати крилјата.
Потенцијални сродни души: Лав, Водолија, Овен и Вага.
Јарец
Сродна душа: Елегантна душа со стил која може да му го окупира умот и да му остане верна до крај.
Јарецот не се плаши да биде пребирлив кога се во прашање љубовниците. Неговиот идеален партнер мора да има одредена елеганција и стил и да се гордее со тоа што е. Треба да биде и интелигентен, но пред сè, да биде сигурен и верен бидејќи на Јарецот му треба некој на кој може да смета.
Потенцијални сродни души: Риби, Бик, Девица и Скорпија
Водолија
Сродна душа: Посветена, забавна личност со смисла за хумор.
Идеалната сродна душа на Водолијата треба да биде забавна и екстровертна личност и да биде расположена за повремена авантура. Нејзе страшно ја привлекуваат остроумни луѓе кои имаат смисла за хумор. Ако можете да ја насмеете, можете да ја натерате да направи речиси сè. Голем плус би било ако знаете да готвите, бидејќи Водолијата навистина ужива во храната.
Потенцијални сродни души: Вага, Овен, Близнаци и Стрелец
Риби
Сродна душа: Самоуверена личност со креативен ум.
Рибите живеат во свој свет и никогаш не го сфаќаат животот премногу сериозно. Нивната идеална сродна душа е некој со здрава доза на самодоверба, див и креативен ум и способност да размислува поинаку од останатите. Најмногу од сè, им треба некој со кој ќе можат да се поврзат на подлабоко ниво.
Потенцијални сродни души: Рак, Јарец, Бик, Скорпија
Извор: atma.hr
