Старбак (36) од Нешвил доби улога на советник како дел од судски договор со Meta – компанијата која го поседува Facebook, Instagram, WhatsApp и други платформи. Откако беше назначен, тој тврдел дека извршителите на пукањата во САД се мотивирани од левичарска идеологија, дека верските протестни групи се комунисти и, без докази, ги поврзал демократските законодавци со убиства.
Старбак, кој претходно работел како режисер на музички видеа, е познат по кампањите против корпоративни DEI програми, кои често се насочени кон компании со конзервативна клиентела, и предизвикале големи американски фирми да ги укинат внатрешните DEI мерки или да прекинат соработки со про-LGBTQ организации.
Во рамките на една таква кампања во летото 2024 година, Старбак поднел тужба против Meta за наводни неточни тврдења на Meta AI чатботот. Како дел од договорот со компанијата, тој добил улога на советник за AI, без јавно објавени детали за финансиската компензација.
Старбак исто така редовно шири дезинформации за вакцини, поддржува дезинформации на Роберт Ф. Кенеди Џуниор, и ја промовирал лажната наводна студија дека вакцина против хепатит Б предизвикува аутизам. Тој исто така ширел преувеличени и неточни информации за транс и LGBTQ луѓе и поддржува десничарски личности во САД и во светот.
Критичарите, вклучувајќи експерти за екстремизам и застапници за човекови права, го осудуваат за „ширење лаги и промовирање екстремизам“ и предупредуваат дека неговите активности ја загрозуваат безбедноста на LGBTQ+ заедницата и на интернет платформите.
И покрај тоа што Старбак тврди дека неговата улога е „да го направи AI фер за сите, без разлика на нивните ставови“, експертите ја критикуваат Meta за тоа што му дозволила на личност со контроверзни политички врски и доказано ширење дезинформации да влијае на модерирањето и пристрасноста во системите на компанијата.
Извор: The Guardian
