Центарот за управување со кризи известува за состојбата со пожарите до 10 часот утринава.
На ден 30/31.08.2025 година, до 10:00 часот на територијата на Р.С. Македонија има вкупно 4 пожари на отворен простор кои се под контрола и 54 изгаснати пожари.
Под контрола се ставени четири пожари и тоа на територијата на: Општина Македонски Брод: Повеќенаменско подрачје Јасен (мешана шума); Општина Гевгелија: на планината Кожуф (приземен пожар); Општина Долнени: с. Долгаец (мешана шума); Општина Делчево: градска депонија (депонија).
По вчерашното невреме, Центарот за управување со кризи извести и за невремето во главниот град, односно за предизвиците со паднатите дрвја, кабли и оштетени автомобили чие решавање е во тек.
