Познатиот диџеј и продуцент Соломун доби признание од Буенос Аирес и стана почесен гостин на градот за време на неговата турнеја на Јужна Америка.
На турнејата тој има настапи во Чиле, Бразил, Колумбија и Аргентина, каде што го доби признанието од градот Буенос Аирес.
Босанско-германскиот диџеј е првиот диџеј и музички продуцент кој го добил ова престижно признание од градот Буенос Аирес. На церемонијата во петокот беше истакнат неговиот значааен придонес кон електронската музика, но и кон развојот на туризмот во градот.
Помеѓу останатите личности кои го добиле ова признание се и Ал Пачино, Роџер Вотерс, Роберт де Ниро, Фу Фајтерс, Пол Мекартни и други.
