Фестивалот се етаблира како платформа која ги слави различностите и го промовира духот на еднакви можности за сите. Под мотото „Заедно, различни, видливи“, програмата опфати театарски претстави, концерти, изложби, креативни работилници, дебати, улични перформанси и вклучување на уметници, активисти и граѓани од сите заедници – со и без попреченост.
„Горди сме што преку inFusion успеваме да изградиме простор за соживот, почит и солидарност. Ви благодариме за поддршката и учеството во ширењето на пораките за прифаќање, културна разновидност и социјална правда“, велат организаторите.
Фестивалот продолжува да се развива како движечка сила на општествени промени, потсетувајќи нè дека токму преку уметноста можеме да изградиме поинклузивна иднина – за сите нас.
