Епицентарот на земјотресот со јачина од 6,2 степени што го потресе Истанбул се случи во 12:49 часот по локално време во областа Силиври, област која се наоѓа на околу 80 километри од градот на Босфорот.
Земјотресот се случил на длабочина од 6,92 километри, според турската агенција за вонредни ситуации AFAD.
Засега не е утврдена штета на инфраструктурата, објави турскиот министер за транспорт, а турската телевизија TGRT јавува дека е повредено едно лице кое скокнало од балконот за време на земјотресот.
Сепак, јачината на земјотресот ја потврдуваат видеата што доаѓаат од најголемиот турски град.
Видеото објавено од Анадолија истовремено покажува како изгледал земјотресот на неколку локации.
Многу жители се собираат во парковите, а некои чекаат на влезовите на зградите во центарот на Истанбул додека се чувствуваат последователните потреси. Некои продавници се затворени, пишува Ројтерс.
Видео објавено од турските медиуми прикажува ударен бран кој минува низ Босфорскиот теснец, наликувајќи на мало цунами.
