Амстердам денес се соочи со големи нарушувања во воздушниот сообраќај поради обилни снежни врнежи и силен ветер, кои сериозно влијаеле на работењето на аеродромот Шипол, приземјувајќи десетици летови и оставувајќи илјадници патници заглавени, објави специјализираниот портал aviationa2z.com.
Авиокомпаниите, вклучувајќи British Airways, easyJet и холандскиот KLM, откажале голем дел од своите летови кои ја поврзуваат Холандија со Обединетото Кралство.
Над 60 летови помеѓу аеродромите во Велика Британија и Амстердам беа откажани, што влијаеше на околу 7.000 патници кои се обиделе да патуваат преку едно од најпрометните воздушни чворишта во Европа.
Снежните врнежи во комбинација со силниот ветер ја намалија работната способност на пистите на аеродромот Шипол, поради што контролата на летови вовела ограничувања.
Официјалните лица на аеродромот советуваат патниците внимателно да ги следат ажурирањата за летови, бидејќи нестабилните временски услови се очекува да продолжат поголемиот дел од денот.
