Снег како сред јануари ја изненади Србија на самиот крај од март. Бела покривка има и во градовите, но и на планините.
Снегот во Србија паѓа со интензитет како во вистинска зима, иако календарски сме на крајот од март.
Снимки од Ужице покажуваат густ снег што наликува на јануарски услови, а слична состојба е регистрирана и во други делови од земјата.
На планините како Златибор, Златар, Јабука и Тара веќе е формирана нова снежна покривка, а снег има и на патиштата.
Надлежните служби се на терен и работат на расчистување на снегот, додека сообраќајот на некои делници е отежнат.
Од „Путеви Ужице“ апелираат до возачите да бидат внимателни и да не тргнуваат без соодветна зимска опрема.
Ненадејниот пад на температурите и снежните врнежи повторно донесоа зимска слика во регионот, иако пролетта веќе започна.
