Додека истрагата за околностите кои придонеле за смртта на Пејн е во тек, сцената што ја остави зад себе – уништена соба и извештаи за непредвидливо, агресивно однесување – дава ужасна слика за последните моменти..
На само 16 години, Пејн стана ѕвезда како член на One Direction откако се појави на „The X Factor“ во 2010 година, поминувајќи половина од својот живот под непопустливиот поглед на јавноста. Сега, неговата прерана смрт повторно ги разгорува итните разговори за менталното здравје и борбите за зависност што толку често ги мачат младите ѕвезди кои се ставаат во центарот на вниманието.
„Сите ве изневеривме. Каде беше оваа индустрија кога ти беше најпотребна?“ напиша Шерон Озборн, поранешна судијка на „Икс Фактор“, во острата критика на социјалните мрежи за занемарување на емоционалната и менталната благосостојба на нејзините најмладите таленти во шоу-бизнисот. Озборн не беше судија во сезоната на „X Factor“ во која се појави Пејн, но нејзините зборови сепак длабоко одекнуваат: „Ти беше само дете кога влезе во една од најтешките индустрии во светот“.
Оваа недела, Гај Чемберс, текстописец и пријател на пејачот Роби Вилијамс, ја повика индустријата да престане да работи со таленти помлади од 18 години.
„Мислам дека ставањето 16-годишно момче во таков свет на возрасни е потенцијално штетно. Роби го доживеа тоа, секако“, изјави Чемберс за Обсервер.
Глобалната слава што дојде со астрономскиот раст на One Direction беше нешто со што Пејн рече дека му било тешко да се справи. Во 2021 година, за време на интервјуто за поткаст „Дневникот на извршниот директор“, Пејн искрено го опиша интензивниот притисок во кариерата што го чувствувал, надополнет со злоупотреба на супстанции.
„Беше навистина, навистина, навистина тешко“, призна тој. „Тоа беше проблем“.
Во истото интервју, Пејн ги раскажа условите на животот на турнеја. Тој рече дека најдобар начин за да бидат безбедни било да се заклучат во собите, бидјеќи биле многу познати.
„Што има во собата? Мини-бар. Така, во одреден момент си помислив, ќе правам забава за еден, и тоа траеше многу години од мојот живот“, се сеќава тој. „Беше диво, но тоа беше единствениот начин на кој можете да ја отстраните фрустрацијата“.
Пејн продолжи да зборува за користењето на дрога и алкохол и во следните години, се додека во во 2023 година, Пејн сподели еден момент на триумф со своите фанови, објавувајќи дека достигнал 100 дена трезвеност по период на рехабилитација. Во срдечното видео на YouTube, тој изрази олеснување што конечно се чувствува под контрола, благодарен што е ослободен од деструктивната спирала на неговото минато.
Сепак, на многу начини, приказната на Пејн е далеку од единствена. Експертите за ментално здравје одамна ги истакнуваат опасностите од славата. За младите ѕвезди, втурнати во слава и богатство пред целосно да го развијат нивниот мозок и механизмите за емоционално справување, тоа може да доведе до борби со идентитетот, приватноста и самопочитта – битки кои можат да го отворат патот за зависности.
Притисоците од јавниот живот можат да им го одземат „нормалното“ воспитување на младите познати личности, оставајќи ги да се движат низ извонреден свет со мала емоционална поддршка. Како резултат на тоа, многумина се свртуваат кон дрогата и алкохолот како бегство од немилосрдните барања и изолација кои доаѓаат со славата. Изведувачи како Вилијамс и Деми Ловато отворено споделија слични приказни за употреба на супстанции како средство за справување со тешкиот товар на славата.
Подемот на социјалните медиуми и 24-часовните циклуси на вести само ги интензивираа овие предизвици. За ѕвездите како Пејн, секој погрешен чекор, секоја лична криза се емитува за светот да суди. Оваа постојана изложеност може да ги поттикне чувствата на срам, моќен поттик за злоупотреба на супстанции. Изолацијата на животот на пат, притисокот за постојано да се биден јадобар и недостатокот на постојана поддршка можат да создадат совршени услови за да се вкорени зависноста.
Приказната на Лијам Пејн, иако трогателна, служи како остар потсетник за огромниот данок што славата може да го наложи за најмладите. Неговиот не е изолиран случај, туку дел од поширокиот наратив за кревкоста на младите ѕвезди во индустријата која често не успева да ги заштити кога им е најпотребно.
