„Можеме да потврдиме дека осум граѓани од Кентаки го загубија животот поради невремето“, изјави гувернерот на Кентаки, Енди Бешир.
Поголемиот дел од жртвите биле заробени во своите возила под надојдената вода, меѓу нив и мајка со нејзиното дете.
Гувернерот прогласи вонредна состојба и изрази загриженост дека бројот на жртвите може да се зголеми, додавајќи дека во последните 24 часа биле спасени над 1.000 луѓе.
Според неколку американски медиуми, уште една жртва е регистрирана во Атланта, во сојузната држава Џорџија, како последица на лошите временски услови.
Централните и североисточните делови на САД во изминатите денови се погодени од екстремни временски неприлики, вклучувајќи студ, обилни врнежи и силни ветрови.
