Арне Слот не верува дека е дојден време да се зборува за неговиот Ливерпул како најдобар тим во светот.
Едно од прашањата до тренерот на Ливерпул беше поврзано со комплиментот на Томас Франк кој рече дека Ливерпул е најдобриот тим на светот.
„Неговото мислење е важно за мене лично бидејќи тој направи многу добри работи во Брентфорд низ годините. Но, мислам дека ми е рано да кажувам такви работи. Имаме уште многу натпревари“, рече Слот.
Според него, форматот на Лигата на шампионите е комплициран оваа година и пласманот на тимовите не го одразува нивниот квалитет.
„Што можеме да прочитаме од табелата? Секој тим играше со различни ривали, може да имате среќа или не. Ако го гледате Пари Сен Жермен секоја недела, мислам дека ги имаат најтешките натпревари и мислам дека се премногу ниско на табелата за квалитетот што го имаат“, додаде Холанѓанецот.
Ливерпул победи на сите досегашни шест натпревари во Лигата на шампионите, а бод против Лил ќе стави крај на сите сомнежи за пласман во следната рунда, доколку и сега ги има.
Ливерпул во вторник го пречекува Лил, мечот на „Енфилд“ започнува во 21 часот.
