Концертот, кој се одржа на 2-ри ноември во новоизолираната акустична сала на С.Ц. „Борис Трајковски“, сега повторно дише, сведочејќи за една ера исполнета со ритам, емоции и автентичен урбан звук.
Објавата на видеото е еден вид уметнички времеплов – подарoк за долгогодишните фанови и лекција за новите генерации. Во времето кога арената штотуку доби акустика според светски стандарди, тимот на Слаткаристика одлучи тој момент да го овековечи со спектакл поддржан со техника од Македонија и сценска опрема од Нови Сад.
На сцената се појавија многу познати имиња: групата Пеперминт и членовите на Токсикологија (Кацар, Сиги, Аце НЛ, Џоле и Желе), а со Слаткаристика рамо до рамо стоеја и Тони Зен, ДЈ Гоце (САФ), ДЈ Никифор, ДЈ Чваре, како и маестралниот џез-музичар Георги Шарески – сè со цел да се создаде фузија од стилови, генерации и енергии.
Но, зад сценските светла се криеше и една посилна порака – концертот беше со хуманитарен карактер. Дел од средствата од продажбата на билетите беа наменети за манастирот „Св. Јован Бигорски“, а беа отворени и телефонски линии за донации за децата без родители од домот „11 Октомври“.
Денес, кога времето изгледа побрзо и посурово, оваа објава е потсетник дека постоеја мигови кога музиката беше мост, а сцената – светилиште.
Во самата објава на видеото, со фановите е споделен и музичкиот репертоар:
00:00 – Intro
00:10 – Milion
05:13 – Moeto Maalo
07:36 – Idiot
11:33 – Znam Kako e (ft. Dj Goce)
15:11 – Bum Bam
17:54 – Sakash da si Faca 2
21:05 – Shoping
24:16 – In
27:00 – Olabavi me
29:51 – Razgovor so Sovesta
35:01 – Klasika
39:39 – Srekja
43:19 – Da Poletam
47:18 – Nervoza (ft. Zhele)
50:05 – Sara (ft. Nina)
55:09 – Za Tebe
57:17 – Me Boli K*r (ft. Georgi Shareski)
1:01:43 – Bidi Zelen
1:04:03 – Spushti se Dole (ft. Toni Zen)
1:07:56 – Extra Extra
1:11:16 – FM
1:15:21 – Top (House Remix)
1:19:39 – Tonight (ft. Nikifor)
1:23:20 – Olabavi me
Погледнете го концертот тука:
