HOMME FATALE ја отвара новата едиција синглови на издавачката куќа СКОПСКА СЕКТА – наречена Forever Single – со песната ‘Хасан, зошто не ме сакаш?’.
Оваа суптилно безобразна, елегантна поп композиција е наменета да го задева слушателот и безусловно да му заглави во глава.
Слушачката промоција на овој несомнено иден хит сингл е закажана за 10 октомври (четврток) во Буква, истиот ден кога ова издание ќе биде достапно за слободно преземање.
СКОПСКА СЕКТА е издавачка куќа позади која стои Теа Шалдева, заедно со Огнен Златанов и Љубомир Ангелов.
Ова издание е трето по ред и заедно со новиот артист, го лансира и своето ново име (претходно позната како The Deepest Purple Club), како и новиот визуелен идентитет, направен од Иван Ивановиќ.
