Скопје утрово се разбуди под снежна покривка, откако првиот снег годинава падна во раните утрински часови, што, иако со слаб интензитет, создаде непридвидени проблеми во сообраќајот и јавниот превоз низ градот.
Ниските температури и повремени снежни врнежи го отежнаа движењето на улиците, а возачи и пешаци се соочија со изненадување што предизвика забавување или застој на неколку клучни сообраќајни правци.
Граѓаните на социјалните мрежи објавуваа фотографии и видеа од замрзнати тротоари, автомобили со тешкотии при возење и подолги времиња за патување кон работа или училиште. Некои сообраќајни правци беа блокиранипоради неисчистен снег, додека други останаа тешко проодни поради мраз и ниските температури.
Директорите на претпријатијата за зимско одржување на улиците и службите за итни интервенции соопштија дека се на терен и работат на расчистување на снегот, но предупредија дека сообраќајните услови ќе останат отежнати додека температурите не пораснат и снегот не се стопи.
И додека главниот град се справува со само неколку сантиметри снежна покривка, ваквата ситуација ја отвори дебатата за подготвеноста на јавните служби и квалитетот на инфраструктурата за справување со зимски услови – дури и кога снегот е минимален, а неговите ефекти врз нормалното функционирање на градот се видливи.
