Целиот град ќе стане огромна сцена за концерти, изложби, литературни читања, мултимедијални презентации и перформанси, отворени за сите граѓани и посетители.
Програмата вклучува:
- Сули Ан (20:00 ч.) – мултимедијални презентации и изложби „Стара скопска чаршија: визии за иднината“, со DJ сетови на Дарко Јорданов, Бојан Јанев и диџеј Женева.
- Музеј на македонската борба (20:00 ч.) – изложба „Од чета до армја“.
- Научен музеј (20:00 ч.) – изложба „Преспанско езеро – бисер на природата“.
- Детски културен центар (11:00 ч.) – детска ликовна изложба.
- Библиотека „Браќа Миладиновци“ (19:00 ч.) – промоција на книгата „Работилница за поправка на чувства – втора антологија на иднината“.
- Музеј на Град Скопје (19:00 ч.) – изложба на ДЛУМ.
- Младински културен центар (20:00 ч.) – претстава „Велигденски варијации“ и изложба на детски цртежи на Славица Копенкова.
Настани ќе има и во Културниот дом „Кочо Рацин“ и во Културно-информативниот центар.
Организаторите истакнуваат дека „Бела ноќ“ е симбол на културната отвореност на Скопје и можност граѓаните и уметниците да се поврзат преку заедничко креативно искуство. Манифестацијата се организира од Универзална сала, со финансиска поддршка од Град Скопје.
