Повеќе делови од Скопје денеска ќе бидат без електрична енергија поради зафати во електродистрибутивната мрежа, додека дел од една улица е без вода поради дефект, информираат надлежните служби.
Од ЕВН Македонија соопштија дека во општина Кисела Вода, од 08:00 до 13:00 часот, без струја ќе останат дел од корисниците на улицата „Архитект Сотир Томовски“.
Во општина Сопиште, од 09:00 до 11:00 часот, прекин во снабдувањето со електрична енергија ќе има во селото Говрлево.
Во општина Ѓорче Петров, од 09:00 до 15:00 часот, без струја ќе бидат корисниците на улицата „101“ во населбата Волково.
Покрај прекините на електрична енергија, од Јавното претпријатие „Водовод и канализација“ – Скопје информираат дека без вода за пиење од 8:50 часот се зградите број 3 и 5 на улицата „Методија Митевски“. Причината е дефект на затворач на водоводната мрежа, а водоснабдувањето ќе биде прекинато до завршување на санацијата.
Од надлежните институции информираат дека по завршување на зафатите и отстранување на дефектот, снабдувањето со струја и вода ќе биде нормализирано.
