И денес Скопје се разбуди во првите 15 најзагадени градови на светската и европска листа. Воздухот е оценет како „нездрав“ и „многу нездрав“ за дишење во некои општини и препораките се да се носат маски, да не се излегува на улица и да не се отвараат прозори.
На листата на нај загадени градови во светот, Скопје е на 11 место, а во Европа е трет најзагаден град по Сараево и Приштина. Зад Скопје се Милано и Белград.
Продолженото изложување на загаден воздух може да доведе до астма, хроничен бронхитис и други респираторни заболувања. Микроскопските честички и токсични гасови можат да го оштетат белите дробови. Загадувањето на воздухот може да ја зголеми шансата за срцеви заболувања, вклучувајќи инфаркти, висок крвен притисок и удари. Честичките од воздухот можат да предизвикаат воспаление и оштетување на крвните садови. Долгорочно изложување на загаден воздух, особено на канцерогени материјали како што се бензопирен и други хемикалии, може да доведе до развој на рак на белите дробови.Загадувањето на воздухот може да има негативен ефект врз нервниот систем, особено кај деца и стари лица. Тоа може да доведе до когнитивни нарушувања и нарушувања во развојот на мозокот.
Високите нивоа на загаден воздух може да доведе до прерана смртност поради срцеви и респираторни заболувања, како и други хронични болести .Загадувањето може да предизвика иритација на кожата и очите, вклучувајќи алергиски реакции, црвенило и воспаление. Жените изложени на загаден воздух може да имаат поголем ризик од компликации во бременоста, вклучувајќи предвремено породување, ниска тежина при раѓање и други здравствени проблеми.
И покрај сите здравствени ризици, надлежните до сега не превзеле никаква акција за подобрување на квалитеото на воздухот.
