38.000 млади Европејци повторно имаат шанса да освојат бесплатен билет за патување долго 30 дена низ цела Европа.
Оваа можност е отворена и за младите надвор од ЕУ.
Европската комисија го објави почетокот на следната рунда на програмата за патување „DiscoverEU“ , во која можат да учествуваат граѓаните на земјите од ЕУ, како и Исланд, Лихтенштајн, Северна Македонија, Норвешка, Турција и Србија.
Младите можат да аплицираат за влезници до 18 октомври до 12 часот, соопшти Комисијата во Брисел.
Кој сака да освои бесплатен билет, прво мора да го покаже своето знаење во краток квиз. Победниците можат да патуваат низ Европа до 30 дена помеѓу 1 март 2024 и 31 мај 2025 година.
Апликанитите можат да додадат до 4 пријатели кои сакаат да патуваат како група.
Сите информации може да ги прочитате на следниот линк и да се пријавите: https://youth.europa.eu/discovereu_en
Програмата е наменета за млади на возраст од 18 години. Поточно, може да учествуваат сите родени од 1 јануари до 31 декември 2005 година. Учесниците со попреченост или здравствени проблеми можат да донесат придружба.
Иницијативата „DiscoverEU“ започна во 2018 година и беше замисла на активистите Винсент-Имануел Хер и Мартин Шпер. Нивниот предлог на граѓаните на ЕУ да им се поклони возенбилет за нивниот 18-ти роденден и на овој начин да се запознаат со континентот, наиде на голема поддршка и кај политичарите и во општеството.
