По една година, на 1 ноември, во Нови Сад ќе се одржи голем комеморативен собир посветен на жртвите од падот на настрешницата на железничката станица. Слични настани ќе се одржат и во светските метрополи — од Сиднеј до Стокхолм — каде што живее српската дијаспора, а се очекува и поддршка од странски студенти.
Колони на студенти од различни делови на Србија веќе маршираат кон Нови Сад, пречекувани со радост и солидарност во секое место низ кое минуваат. Овие маршеви повторно го оживуваат чувството на човечност, сочувство и заедништво — вредности што често недостасуваат во современото време.
И покрај забраните властите студентите да преноќуваат во училишта и јавни згради, граѓани, свештеници и семејства низ Србија им отвораат врати и нудат сместување.
Организаторите најавуваат дека собирот ќе биде мирен и достоинствен, без транспаренти, свирчиња и политички пораки. Претходните студентски протести беа ненасилни, иако често биле прекинувани од провокации и прекумерна полициска сила.
Студентите, поддржани од средношколци и земјоделци, веќе една година ја симболизираат борбата за нормална, солидарна Србија. Нови Сад и градовите ширум земјата и дијаспората ќе бидат сведоци на тоа ново, обединето лице на општеството.
