Во Пенсилванија без струја останале повеќе од 425.000 потрошувачи, а во Охајо дополнителни 40.000, јавува агенцијата АП. Исто така, илјадници домаќинства без струја се пријавени и во Мичиген, Њујорк и Западна Вирџинија.
Компаниите за електроснабдување соопштија дека работат на обновување на мрежата, но предупредија дека дел од прекините може да траат и до седум дена.
„Ова е природна катастрофа од размери што ретко се гледаат“, изјави Метју Браун, раководител на службата за вонредни ситуации во округот Алегени, Пенсилванија. Тој предупреди дека за утре е најавено ново невреме.
