На видеа објавени на социјалните мрежи се гледаат учесници со заштитни очила како се борат со ветерот и песокот. „Лудите ветрови уништија многу кампови, вклучувајќи го и нашиот. Денови работа на жешкото сонце исчезнаа за миг,“ напиша патувачкиот инфлуенсер од Сан Франциско, Хенри Ву, кој додаде дека имало и повредени од летање предмети и метални столбови.
Организаторите привремено го затворија пристапот до фестивалот во саботата, но потоа ветрот ослабна, а температурите се намалија.
Фестивалот Burning Man, познат по уметничките инсталации и изградбата на целосно нов град во пустината, секоја година привлекува повеќе од 70.000 посетители. Во 2023 година настанот стана светска вест откако обилни дождови ги заглавија илјадници луѓе во калта, принудувајќи некои да ги напуштат автомобилите и шаторите.
Иако организаторите промовираат политика на „без трага“, претходните изданија беа критикувани за големото влијание врз околината. Годинава, пак, најголем предизвик засега остануваат силните ветрови и песочните бури.
Извор: Outdoors
