Земјотрес со јачина од 7 степени е регистриран покрај брегот на Тајван, соопшти метеоролошката служба на островот, цитирана од светските агенции.
Епицентарот на земјотресот бил 63 километри југоисточно од градот Килунг, каде што живеат околу 397.000 луѓе, и на длабочина од 73 километри, пренесува БТА.
Во моментов нема извештаи за повредени или штети, а не е објавена закана од цунами.
Националната противпожарна служба соопшти дека се врши проценка на штетите.
Тајван се наоѓа во близина на пресекот на две тектонски плочи и таму често се случуваат земјотреси, забележува Ројтерс.
Повеќе од 100 луѓе загинаа во земјотрес во јужен Тајван во 2016 година, а во 1999 година земјотрес со магнитуда од 7,3 степени одзеде повеќе од 2.000 животи.
