Само неколку дена по првата телевизиска дебата пред шведските избори, Анна-Карин Хат, лидерка на Либералната Централна партија, објави оставка. Таа го наведе како причина неподносливиот притисок, закани и вознемирување, поради кои не се чувствуваше безбедно, што претставува сериозен удар врз демократијата во една од најотворените земји во светот.
Хат спомена и директни физички закани кои не доаѓале само од „тролови зад екраните“, туку многу поблиску. Политичарката, која ја водеше партијата само пет месеци, се повлече заради безбедноста на семејството.
Нејзината претходничка, Ани Лооф, исто така се повлече поради слични причини: екстремистички закани, неонацистички притисоци и интернет-тролови. Лооф опиша дека доживеала „панично пливање меѓу ајкули“ и дека овие искуства покажуваат колку политичкиот живот може да биде опасен, дури и во стабилна демократија.
Според истражувања, политичарките се почесто цел на закани и психолошко насилство. Во Финска, министерки добиваат десет пати повеќе навредливи пораки од своите машки колеги, а глобално 7 од 10 политичарки се жртви на вознемирување.
