Владата во Берн го номинираше традиционалното швајцарско јодлање како национално богатство – со цел да влезе во светската културна заштита на УНЕСКО.
Швајцарската влада го поднесе предлогот јодлањ (yodeling) да биде вклучено во листата на нематеријално културно наследство на УНЕСКО, со што оваа вековна традиција може да добие светско признание.
Од алпски повик до симбол на идентитет
Иако многумина го поврзуваат јодлањето со алпските пастири во кожни прерамки, неговиот звук одамна го надмина локалниот карактер. Денес се среќава во различни музички жанрови – од фолклор и класика, до модерни музички експерименти и филмски звуци.
Во Швајцарија, јодлањето не е само музика – тоа е дел од националниот идентитет. Според владата, во земјата има околу 12.000 активни јодлачи кои се организирани во 780 групи под покровителство на Швајцарската асоцијација за јодлање.
Јодлањто како „петти јазик“ на Швајцарија
Швајцарија има четири службени јазици – германски, француски, италијански и реторомански – но за некои, јодлањето заслужува да биде петтиот.
„Во Швајцарија имаме четири јазици, но мислам дека всушност имаме пет. Петтиот е – јодлањето,“
изјави Наџа Рес, професорка на Универзитетот за применети науки и уметности во Луцерн, која пред седум години ја вовела првата универзитетска програма за јодлање во земјата.
Рес спроведува проекти за внесување на јуфкањето во основното образование. Таа вели дека околу 20 наставници во Швајцарија веќе го предаваат јодлањето на своите ученици.
„Една од моите животни цели е секое дете во Швајцарија да биде запознаено со јодлањето во текот на основното образование,“ вели таа. „Тоа би била голема шанса за иднината на оваа уметност.“
УНЕСКО, чие седиште се наоѓа во Париз, ќе ја разгледа кандидатурата на Швајцарија до крајот на годината.
Доколку биде прифатена, јуфкањето ќе се приклучи на листата на културни традиции кои се заштитени како светско нематеријално наследство – заедно со италијанската кујна, француската електронска музика „French touch“, и други симболи на културен идентитет.
