Според официјалните резултати, повеќе од половина кантонални заедници масовно ја отфрлија „иницијативата за граѓанска служба“, која предвидуваше жените да имаат иста обврска за национална служба како и мажите.
Владата порача дека армијата и службите за цивилна заштита во моментов располагаат со доволно кадар и дека нема потреба од дополнително регрутирање. Дополнително, властите предупредија дека таквата мерка би можела „уште повеќе да ги оптовари жените, кои и онака го носат најголемиот дел од неплатената грижа за децата, роднините и домашните обврски“.
Во Швајцарија веќе е задолжителен воениот рок за младите мажи. Тие што одбиваат воена служба може да се приклучат на тимовите за цивилна заштита, а оние што одбиваат и таква форма на служба треба да платат надомест за исклучување.
Пратениците истакнаа дека, иако задолжителниот воен рок за жените може да се смета за чекор кон родова еднаквост, тој би можел да создаде дополнителен товар за жените, кои веќе се соочуваат со голем дел од неплатениот семеен и домашен труд.
На референдумот беше одбиен и предлогот за воведување данок на поединечни донации поголеми од 50 милиони швајцарски франци. Приходите од овој данок требаше да бидат насочени кон борба против климатските промени до 2050 година.
Поддржувачите на иницијативата тврдеа дека мерката би ја зголемила општествената кохезија и би создала нови работни места во области како заштита на животната средина, безбедност на храната и грижа за старите лица. Но, дел од пратениците се спротивставија поради високите трошоци и можните нарушувања на пазарот на трудот.
Владата се противеше и на воведувањето нов данок, предупредувајќи дека тоа може да ги мотивира најбогатите граѓани да ја напуштат земјата.
Извор: N1info.rs
