Киви – популарно овошје кое многу луѓе сакаат да го јадат како ужина или да го додаваат во салати и богати и хранливи појадоци. Ова овошје е многу здраво, а диететичарите издвоија неколку причини зошто ова овошје треба да биде на нашето мени секој ден, но секој ден. Редовното консумирање киви влијае на целокупното здравје, како и на имунолошкиот систем, срцето и варењето. Еве зошто.
Подобрување на имунолошкиот систем
Диететичарот Алекс Турнбул истакнува дека кивито е „одличен извор на витамин Ц, микронутриент кој игра неколку клучни улоги во нашиот имунолошки систем“. Овој есенцијален витамин делува како моќен антиоксиданс кој може да ги заштити клетките во телото од оштетување.
Витаминот Ц, кој се наоѓа во кивито, може да ги зајакне неутрофилите, некои од првите клетки кои реагираат и ги ублажуваат инфекциите, пренесува Eating Well. Тие додаваат дека јадењето на едно киви може да обезбеди повеќе од 60 отсто од препорачаната дневна вредност на витамин Ц, кој долгорочно позитивно влијае на целокупното здравје.
Позитивно влијание врз здравјето на срцето
Освен витамин Ц, кивито содржи и калиум, а диететичарката Кејт Петерсон истакнува дека витаминот Ц и калиумот „може да помогнат во намалување на крвниот притисок“. Одржувањето оптимален крвен притисок е важно за здравјето на срцето, бидејќи нормалното ниво на крвен притисок има ефект на намалување на целокупното оптоварување на срцето и артериите.
Подобро варење
Кивито е богато со диетални влакна кои можат да помогнат да се промовира правилно варење и да се спречи запек. Исто така, содржи ензим наречен актинидин, за кој една студија од 2022 година објавена во списанието Foods покажа дека може да го подобри разградувањето и варењето на одредени протеини.
