Авокадото е се попопуларна храна која некои луѓе не ја сакаат, а други ја обожаваат. Диететичарите тврдат дека е сосема во ред да се јаде авокадо секој ден. Тие препорачуваат дека идеалната дневна порција на авокадо варира од личност до личност, но генерално се препорачува една третина од авокадото.
Јадењето цело авокадо не е нездраво, под услов да внесуваме доволно протеини и јаглехидрати во текот на денот за да ја одржуваме исхраната избалансирана, пишува „Парад“.
Што можеме да очекуваме да му се случи на нашето тело ако секојдневно внесуваме авокадо во исхраната?
Повеќе енергија
Авокадото содржи протеини, масти, влакна и јаглехидрати кои даваат енергија и не одржуваат сити подолго време. Комбинирајте го со тост, тофу или во смути за избалансиран оброк.
Подобрено варење
Влакната од авокадо го подобруваат варењето и здравјето на цревата и го намалуваат ризикот од хронични болести. Луѓето со синдром на нервозно дебело црево треба да го ограничат внесот поради сорбитол, кој може да ги иритира цревата.
Подобро здравје на срцето
Влакната и незаситените масти во авокадото го намалуваат холестеролот, помагаат во регулирањето на крвниот притисок и го намалуваат ризикот од срцеви заболувања и мозочен удар.
Здравје на очите
Авокадото е богато со лутеин и зеаксантин, антиоксиданси кои го штитат здравјето на очите за време на стареењето. Комбинирајте го со јајца и спанаќ за дополнителна заштита од губење на видот.
Подобро расположение
Мононезаситените масти, калиумот и магнезиумот во авокадото помагаат во борбата против депресијата и го стабилизираат шеќерот во крвта, спречувајќи промени во расположението.
Може да помогне да се спречат вродени дефекти за време на бременоста
Авокадото содржи 129 микрограми фолна киселина, важна за спречување на вродени дефекти. Иако не е доволен само по себе, тој е одличен додаток на пренаталните витамини, пренесува Index.hr.
