Популарниот рапер Снуп Дог, кој е познат по редовното пушење марихуана, стана главна тема на социјалните мрежи откако минатата недела објави дека се откажува од „чадот“. Обожавателите на раперот изненадени ги преплавија неговите социјални мрежи, но побрзаа да го поддржат навидум да се откаже од пушењето трева.
Сепак, после неколку дена раперот објави ново видео во кое објасни што точно мислел кога рекол дека се откажува.
Објавувајќи на Инстаграм на 16 ноември, Снуп постави црно-бела слика од себе заедно со потпишана изјава на која напиша „По долго размислување и разговор со моето семејство, решив да се откажам од чадот. Ве молам почитувајте ја мојата приватност во овој момент.“
Изјавата ги изненади неговите обожаватели бидејќи Снуп е познат по тоа што редовно конзумира марихуана. Тој има ангажирано луѓе со полно работно време кои му ги мотаат џоинтите, а според кажувањата пуши до девет џоинти на ден.
Сепак, не сите поверуваа на ваквата објава на раперот и се посомневаа дека објавата е премногу радикална за да биде вистинита.
Објавата дека се откажува од „чадот“ сепак не беше дека раперот се откажал од пушење треве, туку се испостави дека сето тоа било паметен маркетиншки трик.
Во објава на своите профили на социјалните мрежи во понеделникот, тој сподели видео од себе во кое вели дека се откажува од чадот, бидејќи не сака алиштата да му мирисаат, промовирајќи нов вид на скара на оган.
Со ова видео раперот повторно е во центарот на вниманието на социјалните мрежи, па сега неговите обожаватели ја коментираат рекламата.
Еден корисник на „Х“ рече: „Братот ги натера светските стонери да ги преиспитаат нивните животни избори за оваа реклама“.
„Знаев дека таа формулација е чудна! „Чад“ не „пушење“ lol! Интересно!“ Друг коментираше.
Сепак, дел од обожавателите не беа импресионирани и дури беа и изреволтирани: „Ајдее… Сето ова за реклама?“
Извор: Unilad
