Кралската коментаторка Кејти Николс, која помина часови со Кејт Мидлтон откри што се случува кога принцезата не е набљудувана
Новинарите кои го следат кралското семејство поминуваат многу време на јавни настани со нив, а еден коментатор, кој напиша биографија за идната кралица, забележал нешто интересно во однесувањето на принцот Вилијам и неговата сопруга Кејт.
Според анкетите, Кејт Мидлтон, принцезата од Велс, е една од омилените членови на британското кралско семејство.
Обожавателите ја ценат поради нејзините манири, како лесно се вклопува во дворскиот живот и затоа што успева да биде опуштена и комуникативна во јавноста, почитувајќи ги строгите протоколи.
Принцот Вилијам и Кејт Мидлтон, следната година ќе ја одбележат својата 15-годишнина од бракот, а двојката ретко покажува наклонетост на јавни настани. Иако држењето за раце, бакнежите и прегратките не се забранети, за нив кралските должности се бизнис, па затоа би било несоодветно да разменуваат наклонетост, а принцот и принцезата од Велс се строги во врска со тоа.
„Бев со нив во многу прилики и често ќе ги видите како си одат, а Кејт ја става раката околу неговиот струк или тој ја става својата на нејзиниот грб“, вели кралската коментаторка Кејти Николс.
„Меѓу нив постои прекрасна блискост и, додека на почетокот на нивниот брак изгледаа срамежливи кога станува збор за покажување нежност во јавност, сега се посамоуверени“, рече авторката на книгата „Кејт, идната кралица“.
Кралскиот автор Кристофер Андерсон открива дека принцот Вилијам и Кејт Мидлтон се поврзале преку слично, „палаво“ чувство за хумор.
Принцот и принцезата од Велс се заедно уште од студентските денови, кога нивното пријателство прерасна во љубов на Универзитетот Сент Ендрус во Шкотска, а се венчаа една деценија подоцна на 29 април 2011 година. Во меѓувреме, тие имаа три деца: принцот Џорџ, принцезата Шарлот и принцот Луис.
