За одлуката гласаа 178 пратеници, додека 169 беа против. Малцинската влада на Санчез конечно доби поддршка и од четворица пратеници на крајно левичарската партија Подемос, која не откри како ќе гласа сè до средата наутро.
Ембаргото е во сила уште од 2023 година
„Оваа влада предложи ембарго против владата на Нетанјаху со цел да се запре геноцидот во Газа, а вие гласавте против“, изјави Санчез обраќајќи му се на лидерот на централно-десничарската Народна партија (PP), Алберто Нуњез Феихо, кој се спротивстави на новиот закон.
Иако во практика ембаргото е на сила од октомври 2023 година, социјалистичката влада сакаше да ја законски формализира оваа одлука.
Санчез ја најави мерката на 8 септември годинава, по што израелската влада жестоко реагираше. Сепак, Израел го повлече својот амбасадор од Шпанија уште во 2024 година, откако Мадрид ја призна државата Палестина.
Забранет е и увоз и рекламирање на производи од нелегални населби
Во преамбулата на новиот закон се наведува:
„Одговорот на Израел на ужасните напади од терористичката организација Хамас на 7 октомври 2023 година се претвори во неселективни напади врз палестинското население, што повеќето експерти го сметаат за геноцид.“
Со законот се забранува:
- Секој извоз на одбранбена опрема, производи или технологии во Израел
- Нивен увоз во Шпанија
- Транспорт на авионско гориво за воени цели
- Рекламирање на производи што потекнуваат од нелегални населби во Газа и на Западниот Брег
Извор: Index.hr
