На 9 април во Beerтија Pub ќе се одржи промо концерт на македонските бендови ТантруМ и Shot By Love, кои ќе настапат од 21 часот со бесплатен влез за посетителите.
ТантруМ е бенд составен од искусни музичари со различни музички позадини, кои заедно градат енергичен звук инспириран од рок влијанија. Бендот го сочинуваат Никола Бочваров на бас, Влатко Нушев на тапани, Давид Матевски на гитара и Даме Златков на вокал и гитара.
На истата вечер ќе настапи и Shot By Love, македонски бенд кој својата приказна ја отвора со песната „Nobody“, додека нивниот албум е во подготовка. Во составот се Александар Ванчовски, Симе Златков и Бодан Велковски, со Дејан Митровиќ на бас и Теодор Теодосиевски на тапани.
Настанот носи вечер посветена на нови авторски звуци и бендови што сакаат да се претстават со автентичен израз и силна сценска присутност. Почетокот е закажан за 21 часот, а влезот е слободен.
