Администрацијата на американскиот претседател Доналд Трамп предизвика голем шок во деловниот и академскиот свет со новата одлука – еднократна такса од 100.000 долари за H-1B визи. Одлуката стапи на сила веднаш, во недела на полноќ (по ET време), иако многу детали сè уште не се разјаснети.
Што се H-1B визите?
H-1B визите се неколкугодишни дозволи за престој и работа во САД, наменети за висококвалификувани странски работници, особено во технолошкиот и здравствениот сектор. Тие се издаваат по лотарија, со годишен лимит од 65.000 визи, плус уште 20.000 за лица со магистратура или повисоко образование.
Околу 60% од визите одат во ИТ секторот. Три четвртини од добитниците се од Индија, а визата важи до 6 години (3+3) и се користи и од универзитети и болници, не само од приватни фирми.
Што точно направи Трамп?
Администрацијата на Трап воведе такса од 100.000 долари по апликација. Претходната цена била околу 215 долари + административни такси. Се тврдеше дека ќе биде годишна, но Белата куќа потоа појасни дека е еднократна. Инаку, постоечките носители на виза не се засегнати.Исто така, промовиран е и нов „златен визен“ систем – $1 милион виза за богати инвеститори
Реакции и потенцијални последици
Компании и работници се збунети и загрижени:
“Сè уште не знаеме како воопшто ќе се плаќа оваа такса,” изјави Леон Родригез, поранешен директор на USCIS.
Удар за мали фирми и стартапи
Големите тех-гиганти (Google, Amazon) веројатно ќе можат да си дозволат оваа такса, но стартапите и малите бизниси велат дека ќе бидат принудени да се преселат надвор од САД. Универзитети како Корнел Тек предупредуваат дека младите иноватори ќе си заминат во Европа или Азија
Реакции од Индија
Консултантите во Индија велат дека ова ќе го намали интересот за емиграција во САД
„Ова е обид да се задуши влезот на квалификувани странци,“ рече Навнит Сингх од „Go Global Immigration“
Многу правници очекуваат тужби против Трамп за заобиколување на Конгресот во ова драматично менување на имиграциската политика.
Кој сè ќе биде погоден најмногу?
Пред се мали тех-компании, потоа фирми во здравство, угостителство и малопродажба и студенти на постдипломски студии кои сакаат да останат во САД.
Стручњаците предупредуваат:
“Овие луѓе ја зголемуваат продуктивноста, иновациите и економскиот раст,” вели Џовани Пери од Универзитетот во Калифорнија, Дејвис.
