Пет лица се лишени од слобода поради семејно насилство, откако во изминатото деноноќие биле регистрирани вкупно шест пријави во Скопје, Тетово, Кичево и Прилеп, информираат од Министерството за внатрешни работи (МВР).
Во Кичево, полицијата го привела Т.М. (33), кој, според пријавата, физички ја нападнал својата 30-годишна сопруга.
Во Тетово е лишен од слобода С.К. (30) од Скопје, по пријава од неговата девојка дека подолг период ја следел на повеќе локации, вклучително и на работното место, и ѝ упатувал закани по телефон.
Во Прилеп, 38-годишна жена од општина Долнени пријавила дека била физички нападната од нејзиниот поранешен сопруг.
Во Скопје, на подрачјето на Гази Баба, приведена е Ф.А. (38), по пријава дека во домот физички ја нападнала својата 31-годишна сестра.
Во Шуто Оризари, полицијата го лишила од слобода С.Д. (22), кој, според пријавата од поранешната сопруга, ѝ се заканувал и со употреба на сила ѝ го одзел мобилниот телефон во продажен објект.
Дополнително, во Драчево е приведен А.М. (59), по пријава од неговата вонбрачна партнерка дека ја присилил да го напушти семејниот дом.
Од МВР соопштуваат дека се преземаат мерки за целосно расчистување на сите случаи, по што ќе бидат поднесени соодветни пријави.
