Утрово, украинските антикорупциски органи извршиле претрес во домот на Јермак. Тој на платформата Телеграм потврдил дека претресот е во тек и дека целосно соработува со надлежните институции.
Во заедничко соопштение, Националното биро за борба против корупцијата (NABU) и Специјализираното антикорупциско обвинителство (SAPO) соопштија дека претресите биле „одобрени“ и се поврзани со истрага чијшто детали засега не се откриваат.
NABU и SAPO претходно овој месец ја разоткрија големата корупциска афера вредна 100 милиони долари во државната компанија за нуклеарна енергија, во која беа вмешани поранешни високи функционери и поранешен бизнис-партнер на украинскиот претседател.
Иако Јермак тогаш не беше посочен како осомничен, опозициските пратеници, како и дел од пратениците од партијата на Зеленски, побараа негово повлекување, оценувајќи дека земјата се соочува со најтешката политичка криза од почетокот на војната.
Извор: N1info.rs
