Таа на своите профили на Инстаграм и Икс објави дека во моментот е хоспитализирана и дека лекарите ја известиле дека не е во состојба да настапи, пренесува АП.
„Многу сум тажна што денес нема да можам да излезам на сцена. Бев длабоко емотивна и возбудена поради повторното обединување со мојата сакана перуанска публика“, напиша Шакира.
Таа додаде дека планира да го одржи овој концерт што е можно побрзо и дека нејзиниот тим и промотерите веќе работат на нов датум.
Пејачката пристигна во Перу во петок навечер, каде што требаше да настапи во недела и понеделник. Оваа земја е втората станица на нејзината латиноамериканска турнеја.
Турнејата на Шакира продолжува низ Латинска Америка, а во мај ќе се упати во Канада и САД за серија концерти што ќе траат до јуни.
