Од почетокот на мандатот на американскиот претседател Доналд Трамп Мексико прими речиси 39.000 имигранти депортирани од САД , изјави денес мексиканската претседателка Клаудија Шајнбаум.
Таа рече дека од посочената бројка дури 33.000 депортирани од САД се Мексиканци, јавија британските медиуми.
Веднаш по инаугурацијата, на 20 јануари, Трамп потпиша извршна наредба за запирање на преминот на нелегални мигранти на американска територија преку јужната граница на САД и нареди нивно протерување.
Претседателот на САД им наложи на Одделите за внатрешна безбедност, Министерството за правда и Стејт департментот да преземат сите потребни мерки за депортирање на нелегалните имигранти кои влегуваат во САД преку јужната граница со Мексико.
