Северина била застаната на границата во 19:35 часот, каде што ја држеле се до 23:35 поради што го пропуштила својот настап. Таа побарала да ѝ се вратат документите и да ѝ се овозможи да се врати во Хрватска.
Како што јавуваат медиумите на Северина пред да влезе во Србија била испрашувана поради нејзини спорни изјави во врска со Сребреница, „Олуја“, но и за актуелните протести во Србија против рудниците за литиум.
Како што објавија од „Екостаза“, полицијата се осврнала на нејзина објава на социјалните мрежи, прашувајќи ја зошто на објава на фотографија од протестите против рудниците за литиум напишала дека сака „таква Србија“.
За хрватските медиуми, пејачката изјавила дека на сослушувањето ја прашувале што мисли за Сребреница, за операцијата „Олуја“, зошто ги поддржувала протестите против ископуваето на литиум, а ја прашувале и за Јасеновац, па дури и за Туѓман.
„Србијо, те сакам и сакам што побрзо да станеш демократска. Но, никогаш повеќе нема да дојдам во Србија додека овој не се повлече од власта. Сите добро знаеме кој“ изјавила Северна за Јутарњи лист.
