Хрватската пејачка Северина Вучковиќ искажа поддршка за граѓаните, особено младите, кои организираат протести во Сараево поради тешката трамвајска несреќа на 12 февруари, во која загина 23-годишниот Ердоан Моранкиќ, а 17-годишната Ела Јовановиќ беше сериозно повредена.
Протестите траат веќе петти ден, а Северина на својот Instagram сподели видео од собирот со порака: “Сараево се буди”. Покрај тоа, таа објави и воздушно видео со зборовите: “Мое Сараево. Жалост за семејствата”.
Пејачката, која често настапува во Сараево и е добро прифатена од публиката, сподели и фотографија t од својот настап за Нова 2025 година со пораката: “Секогаш со Сараево”.
Протестите ги предводат средношколци и студенти, а учесниците повторно се собраа пред Земалјски музеј БИХ, на местото каде се случи трагедијата. Сообраќајот во оваа област е блокиран, а колоната од демонстранти се движи кон центарот на градот, со цел да се избегне вмешување на непознати лица.
