Според нутриционисти и здравствени експерти, токму овие „тивки саботери“ можат да го нарушат вашиот метаболизам, енергетското ниво и хормоналната рамнотежа. Еве кои навики треба да ги преиспитате и со што да ги замените:
Кафе со шеќер на празен стомак
Додавањето шеќер, павлака или сирупи во кафето може да предизвика воспалителни процеси и зголемување на телесната тежина, вели нутриционистката Ејми Липерт. Особено опасно е кога такво кафе се пие на празен стомак – тогаш шеќерот предизвикува нагло покачување на шеќерот во крвта и потоа драстичен пад, што доведува до зголемена продукција на инсулин. Овој хормон го складира вишокот гликоза како маст.
Недоволен внес на протеини
Протеините се клучни за обнова на клетките, одржување енергија и здрава телесна тежина. Тие ја намалуваат гладта, ја зајакнуваат коскената маса и го регулираат крвниот притисок. Недостатокот од протеини може да доведе до замор и зголемен апетит за калорична храна.
Засладен доручек и преработени јаглехидрати
Брз доручек како крофни или слатки житарици може да изгледа примамливо, но овие производи го забавуваат метаболизмот. Нутриционистката Кхатри советува наместо тоа да се започне денот со оброк богат со влакна и протеини – како јајца, овесни снегулки, грчки јогурт или тост со авокадо – за да се избегне потребата од слатки подоцна во текот на денот.
Неактивност и вечерно грицкање
Гледањето содржини на телефон или телевизија навечер често води до несвесно грицкање. Луѓето посегнуваат по висококалорична храна без да се ни забележат. Решението е планирање на оброците и избор на здрави ужини ако чувствувате потреба.
Пребрз почеток и нереални очекувања
Многу луѓе прават грешка обидувајќи се да променат сè одеднаш – агресивни вежби, строги диети. Наместо тоа, експертот за фитнес Мајкл Метјус препорачува постепен пристап: дневни прошетки и мали замени на калорични производи со поздрава алтернатива. Ваквите промени се одржливи и ефикасни на долг рок.
Седечки начин на живот
Седечкиот животен стил е еден од најголемите ризици за појава на хронични болести – дијабетес, прекумерна тежина, висок притисок. Препораката е најмалку 150 минути неделно умерена физичка активност, што помага во јакнење на срцето и подобра контрола на шеќерот во крвта.
Ако се препознавате во некои од овие навики, време е за мали, но значајни промени. Вашето тело по 40-тата година бара нов пристап – со повеќе внимание, рамнотежа и грижа.
