Грешки кои често се прават, а на долг рок можат сериозно да го оштетат автомобилот и значително да го оптоварат вашиот буџет.
Во повеќе наврати се обработувале теми за навики кои го забрзуваат трошењето на клучните делови на возилото. Порталот Carbuzz издвојува десет вообичаени возачки навики кои значително го скратуваат работниот век на популарни модели како BMW, Volkswagen, Toyota, Renault и Peugeot.
Типични грешки што му штетат на вашиот автомобил
Празен од
Мит е дека моторот мора да се загрева во место. Кога моторот работи без оптоварување, тој се загрева побавно, па оставањето во празен од не е добра идеја.
Најдобар начин моторот да достигне работна температура е умерено и мирно возење. Празниот од само го продолжува процесот, наведува Ревија ХАК.
Сопирање со левата нога
Кај автомобилите со автоматски менувач, сопирањето со левата нога не се препорачува. Ако истовремено сопирате со левата, а забрзувате со десната нога, се создава дополнително оптоварување на менувачот и се зголемува неговото трошење.
Прекумерна употреба на спојката
Кај автомобилите со мануелен менувач важно е спојката да се користи правилно. Неправилната и честа употреба значително го скратува нејзиниот век.
Спојката треба да се користи само при менување брзини и при тргнување.
Неправилна употреба на сопирачките
Ако постојано сопирате за да ја одржите брзината, тоа е погрешно. Неправилната употреба доведува до прегревање и побрзо трошење на сопирачките.
Наместо тоа, подобро е навреме да ја отпуштите педалата за гас или да префрлите во пониска брзина.
Пребрзо поминување преку „лежечки полицајци“
Возење со поголема брзина преку успорувачи може да ги оштети тркалата, суспензијата и амортизерите.
Возење со максимална брзина
Иако моторите се дизајнирани да издржат високи брзини и имаат безбедносна резерва, возењето со максимална брзина кога моторот не е загреан може да предизвика сериозни оштетувања.
Затоа, повисоки брзини се препорачуваат само откако моторот ќе достигне работна температура.
Преполнување на резервоарот
Никогаш не сипувајте повеќе гориво од потребното. Преполн резервоар може да се прелее и да оштети други делови од возилото.
Долготрајно мирување
Ако автомобилот долго време не се вози, гумите може да се деформираат, сопирачките дискови да зарѓаат, а мали животни да навлезат во моторниот простор.
Автомобилот треба да се вози барем еднаш неделно.
Преоптоварување на автомобилот
Преоптоварувањето никогаш не е добра идеја. Суспензијата, гумите и амортизерите се под поголем притисок, моторот работи потешко и троши повеќе гориво.
Возилото е дизајнирано за одредена максимална тежина, а нејзиното надминување го забрзува трошењето.
Внимавајте на патот
Многу возачи гледаат во патниците додека разговараат или ги проверуваат пораките на мобилниот телефон.
Ова не е опасно само за безбедноста, туку и за автомобилот – лесно може да не забележите дупки или успорувачи и да удрите во нив со полна брзина.
