Ако имате порцелански чаши или предмети што ви останале дома од вашата баба, добро погледнете ги, бидејќи би можеле да вредат вистинско богатство.
Иако поголемиот дел од времето тие се скриени во задниот дел од полицата, порцеланските предмети можат да имаат значителна вредност, а клучот за ова е скриен на дното.
Од Кина до Германија
Производството на порцелан потекнува од Кина, каде што се појавил за време на династијата Танг (7-10 век). Во тоа време, ништо не можело да се спореди со овој деликатен материјал кој лесно се обликувал и декорирал. За разлика од тешката и кршлива европска керамика, кинескиот порцелан бил лесен и издржлив.
Тоа се променило на почетокот на 18 век, кога германските научници Јохан Фридрих Бетгер и Еренфрид Валтер фон Цирнхаузен ја откриле тајната на производството на порцеланот. Набргу потоа, саксонскиот кнез Фридрих Август I основал фабрика за порцелан во Мајсен.
Порцеланот Мајсен и симболот на вкрстени мечеви
Додека во Кина порцеланот бил обележан со симболи на владејачки династии, европските производители вовеле ознаки за да го заштитат потеклото и да спречат фалсификување. Фабриката Мајсен наскоро почнала да го користи симболот на два вкрстени меча, чија форма со текот на времето често се менувала, но останала препознатлив белег на порцеланот Мајсен.
Порцеланот Мајсен вклучува не само чаши, туку и познати порцелански фигурини и предмети. Чести мотиви се мали цвеќиња или сцени од лов, како и карактеристичниот модел на „лак“.
Дали поседувате богатство?
Порцеланот Мајсен е еден од највредните во светот, но важно е да се провери неговата состојба. Предметите не смеат да бидат скршени, а декорациите не смеат да бидат избришани. Највредни се комплетните и неоштетени комплети, кои можат да достигнат стотици илјади евра на аукции.
„Колекционерите сè уште покажуваат голем интерес за зачуван антички порцелан“, се наведува“.
Дури и ако не најдете вкрстени мечеви на дното од чашата, порцеланот од други брендови може да се цени. Производи од фабрики како што се Дуби, Тун, Локет или Ројал Дукс често може да се најдат во домовите. Овие предмети исто така можат да имаат значителна вредност, особено ако се во добра состојба.
