На видеото кое се споделува на социјалните мрежи се гледа како се руши мостот Фонг Чау и повлекува камион во реката.
Камионот се наоѓа на работ на мостот, а како што се руши мостот, тој паѓа во реката, а човек кој вози мотор позади камионот успева да застане, пред и тој да биде повлечен во реката.
Според локалните власти, најмалку 10 возила и два скутери паднале во Црвената река кога се срушил мостот. Три лица биле спасени, а најмалку по 13 се уште се трага.
„Бројот на смртни случаи и исчезнати личности е непознат, бидејќи се уште точно не знаеме колку луѓе имало во секое возило“ велат од полицијата.
Супертајфунот Јаги е најсилната бура во Азија годинава од која животот го загубија најмалку 49 луѓе на северот на Виетнам и направи вистински хаос во инфраструктурата.
