Научниците предупредуваат дека метанот, еден од најсилните стакленички гасови станува сè поголема закана за климата, откако нови сателитски податоци открија десетици огромни „мега-истекувања“ низ светот во 2025 година.
Според анализата објавена од UCLA, во рамки на проектот „Stop Methane“, најголем дел од овие истекувања се регистрирани во Turkmenistan – земја која веќе подолго време е под лупа поради нејасните и високи емисии.
Но проблемот е глобален. Значајни извори на метан се откриени и во САД (особено во Тексас), како и во Венецуела и Иран
Каде се најголемите извори?
Истекувањата најчесто доаѓаат од нафтената и гасната индустрија (лошо одржувана инфраструктура) и од депонии, каде органскиот отпад се разградува и ослободува метан
Големи емисии од депонии се регистрирани и во Турција, Алжир и Малезија и повторно во САД
Зошто метанот е толку опасен?
Метанот моментално е одговорен за околу 25% од глобалното затоплување, а неговите емисии нагло растат од 2007 година.
Иако се задржува пократко во атмосферата од CO₂, неговото влијание е многу посилно на краток рок. Токму затоа научниците го нарекуваат „брза кочница“ за климатската криза – ако се намали, ефектите може да се почувствуваат релативно брзо.
🛠️ Проблем со решение – но без акција
Она што особено загрижува е фактот што многу од истекувањата се технички лесно решливи а во некои случаи, зафатениот метан може повторно да се користи како енергија
Сепак, според The Guardian, научниците се фрустрирани бидејќи решенијата не се применуваат доволно брзо, а многу компании не одговараат на повиците за одговорност.
Што значи ова за планетата?
Новата сателитска технологија овозможува прецизно откривање на изворите на загадување – па дури и идентификација на одговорните компании.
Но без политичка волја и притисок, предупредуваат експертите, овие „невидливи“ истекувања може да продолжат да ја забрзуваат климатската криза тивко, но со огромни последици.
