Шпанскиот премиер Педро Санчез јавно му одговори на американскиот милијардер Илон Маск, кој ја критикуваше одлуката на Шпанија за легализација на мигранти, порачувајќи дека „Марс може да почека, човештвото не“.
Реакцијата на Санчез дојде откако Маск на социјалната мрежа X сподели објава со краткиот коментар „Wow“, реагирајќи на тврдeње дека Шпанија легализирала околу 500.000 мигранти „за да ја порази екстремната десница“.
Во својот одговор, шпанскиот премиер напиша: „Марс може да почека, човештвото не“, јасно алудирајќи на амбициите на Маск за колонизација на Црвената планета преку неговата компанија SpaceX, но и нагласувајќи ја, според него, приоритетната важност на хуманитарните и социјалните прашања на Земјата.
Одлуката за легализација на мигрантите беше усвоена од шпанската влада оваа недела и е претставена како мерка за интеграција, стабилизација на пазарот на труд и заштита на основните човекови права. Таа, меѓутоа, предизвика реакции и критики во меѓународната јавност, особено од политички и економски актери кои ја оценуваат како контроверзна.
Размената меѓу Санчез и Маск дополнително ја отвора дебатата за односот меѓу технолошките визии за иднината и актуелните социјални и хуманитарни предизвици со кои се соочуваат европските држави.
