Овие наоди беа претставени на годишниот конгрес NUTRITION 2025 на Американското здружение за исхрана во Орландо, Флорида.
Што покажало истражувањето?
Во 12-неделна студија со 72 учесници со предијабетес, испитаниците секојдневно консумирале еден од трите производи: бел ориз, наут или црн грав.
Резултатите биле следни:
Наутот значително го намалил вкупниот холестерол
Црниот грав го намалил нивото на IL-6 – маркер на воспаление
Дури и групата што консумирала бел ориз покажала намалување на „лошиот“ LDL холестерол, иако не се забележани промени во гликозниот метаболизам кај ниту една од групите
Истражувачите предупредуваат дека оваа студија е мала и ограничена, па се потребни дополнителни истражувања, особено за поврзаноста меѓу метаболизмот и цревната микробиота.
Што е предијабетес?
Предијабетес е состојба во која нивото на шеќер во крвта е над нормалата, но сѐ уште не е доволно високо за дијагноза на дијабетес тип 2. Според Центарот за контрола и превенција на болести на САД (CDC), секој десетти возрасен во САД има дијабетес – најчесто тип 2.
Добрата вест е дека предијабетесот може да се врати во нормала со промени во животниот стил и исхраната.
Мешунките – сојузници на здравјето
Наутот и црниот грав припаѓаат на семејството мешунки, заедно со грашок, леќа, грав и други сорти. Овие храни се богати со растителни влакна и протеини и се поврзуваат со намален ризик од срцеви заболувања и некои видови рак.
Нутриционистката Меди Галива објаснува дека растворливите влакна од мешунките ја намалуваат апсорпцијата на холестеролот во крвотокот. Тие даваат и чувство на ситост и го поддржуваат здравјето на цревната флора.
„Кога се дел од разновидна растителна исхрана, наутот и гравот ја поттикнуваат размножувањето на добрите бактерии во цревата и придонесуваат за целокупното здравје“, вели Галива.
Како да вклучите повеќе мешунки во исхраната?
Иако се ефтини и лесно достапни, просечниот Американец троши помалку од 5 долари годишно на мешунки.
Истражувачката Морган Смит препорачува да ги додаваме во супи, салати или јадења со ориз и киноа. Тие се одлична замена за црвено и преработено месо, а се вклопуваат во чорби, паприкаши и печена храна.
Совет: Лицата со синдром на иритабилни црева (IBS) треба да ги воведуваат мешунките постепено и во консултација со нутриционист.
Докторката Федерика Амати од компанијата ZOE, која не учествувала во истражувањето, додаде:
„Тие се добри за срцето – и за планетата. Јадете ги почесто!“
